دﺌدیلر سانکی منه پان تۆرکم/ من دﺌدیم سهو اﺌله دیزخان تۆرکم
اﺌلیمین دۆشمانینا اوخ سۆنگی/ اﺌلیمین دوستونا من جان تۆرکم
شانلی تاریخیم اولوب ﮔﺌچمیشده/اﺌلیه ن دونیانی حیران تۆرکم
گۆن به گۆن شانیم اوجالماقدادی چون/ شانلی دؤرانه گیرم شان تۆرکم
منه جان جان دیینه جان جان تۆرک / منه قان قان دﺌیینه قان تۆرکم
داییم اینسانلیق اولوب آمالیم / اینسانا سایقیلی اینسان تۆرکم
دده مین اوغلویام ایلکین گۆندن / دده می من تانیدان تۆرکم
منه یولسوز دﺌمه سین یولسوزلار / یولوم آیدیندی من اعیان تۆرکم
بیر گۆن اولدوم سومر بیر گۆن ماد،من اورارتور اﺌیله ﻣﺌهران تۆرکم
بیر گۆن ایراندا من اولدوم مدنی / ماننایام قوتتویام اشکان تۆرکم
ایسلامین بیر زامان اولدوم قیلیجی / ایسلاما جارچی مۆسلمان تۆرکم
منه یولسوز دﺌیینه ذولفوقارام / سالارام مۆلکۆنه طوفان تۆرکم
سلجوقام غزنویم من صفوی/ افشارام درک اﺌیله شیروان تۆرکم
پارچا پارچا اولور آزربایجان/ سانکی من بوردا سیخیلقان تۆرکم
خوراساندان قوما قومدان خلیجه/ ایصفاهان شوش طبریستان تۆرکم
لۆت کویرینده سوسوز قالسامدا / بیر یاشیل اؤلکده گیلان تۆرکم
کیرمان اولموشدو منه تؤرک وطنی / چارماحال اﺌیله خوزیستان تۆرکم
باخ تنگیستانین اوغلانلارینا / باخ خزر ساحیلی تؤرکمان تۆرکم
قوروا کۆردوستانا پای اولموشسا/ آتمارام قزوینی تهران تۆرکم
ایندی یاد اوغلو منه یاد دﺌمه سین / گؤزۆ گؤرسۆن بۆتۆن ایران تۆرکم
تۆلکۆ آسلان اﺌیله گیرمز ساواشا / گری دورسون کی من آسلان تۆرکم
بیر قیغیلجیم اونا اود پۆسگۆرسم / دودیمانی ﮔﺌدر آسان تۆرکم
عاقیل اینسان کی دولاشماز تۆرکه / یوخسا من یوردونا وولقان تۆرکم
وطنیم یادلارا یورد اولمویاجاق / وطنیم ایچره خورامان تۆرکم
یوردومون توپراقینا گؤز تیکه نی/ اﺌیلیه ن گۆندا هراسان تۆرکم
وطنیمدیر وطنیمدیر وطنیم / وطنیم آزربایجان تۆرکم
نظرات شما عزیزان:
salam
ساعت19:21---5 آبان 1390
|